責編

大為

文章：澳門電臺雷翠雲

7月

中央人民廣播電臺對港澳節目中心舉辦咗

《香港回歸二十年尋根萬里行》

香港澳門媒體聯合自駕採訪

呢一路故事好多

呢一路艱辛好多

呢一路歡樂好多

澳門電臺雷翠雲

用細膩嘅筆觸

一一記錄

我嘅日记

出差已結束了，我感恩遇到咗好隊友，大家嘅歡笑聲、困難中嘅信任、風雨中嘅疲憊仍然把握機會笑著樂著。

一齊捱餓趕車程，基本每日7多個小時喺車上，都是因為冇人特別抱怨才讓行程噉美好；突發事件不斷，即使經歷掉泥坑、淋著雨亦守望互助推車、換胎，亦不怕風雨努力完成自己崗位。仲有，幫助我揾人翻譯做訪問，因我嘅普通話好爛，鬧出嘅笑話亦唔少。

大家都好照顧我，幾乎每日每小時，都被人問我開唔開心，我當然開心啦～我面對嘅都係令人感到窩心嘅人呢～

曾相處過嘅朋友們，我一定唔會忘記，希望大家繼續過得開心，真嘅好感恩遇到咗大家，祈望有一天再聚。

我嘅記憶不能盡錄，但多少亦想用文字留底記憶

7月6日北京-錫林郭勒-東烏珠穆沁旗草原

今日喺北京出發了，我被安排喺最後嘅11號車，佢哋話我係一個人與領隊同車，係唔係擔心我冇能力，所以先噉樣安排要特別單對單嘅注意我？？參觀咗央廣嘅直播間，哈哈，一間直播間已係我哋新聞部成個辦公室嘅大小了，羨慕ing，不過系統操作倒亦差唔多！

呢一日，我瞭解到咗頭車和尾車嘅分別了，頭車係指引和判斷、尾車係支援和提供信心，我坐嘅係尾車，從領隊拿著對講機講嘢開始，我明白佢係能為隊員們帶嚟安心嘅角色，一直畀大家鼓勵，「冇事嘅，有我跟著」其實係多有份量嘅句子。

暴雨下，我車上嘅領隊為咗各項事情，包括協助隊員解決車胎問題後，又追前至帶頭位置，領隊好勁噉喺風雨下開公里每小時，雨水都瘋狂打喺車窗上，車子就似飛咗起身似的。我不懂車，但我知道車速快代表咩，我發現我嘅心臟好強大，完全唔害怕，仲覺得好爽～～可能係我亦不知不覺噉信任咗呢位領隊吧？哈哈哈，我仲用僅有嘅英語協助解決車子問題了。

喺內蒙古嘅路上，草原員警羊群、馬群、牛群隨時能擋路，仲有，晚上嚟迎接我哋嘅內蒙古姐姐好靚女丫，唱歌又好聽，又有新奇嘅樂器喺，我目不轉睛噉迷上佢哋了。

7月7日東烏珠穆沁旗-額仁高畢蘇木

呢一日，相信大家亦好累吧？？卻是我經歷嘅最多嘅第一次。

第一次喺內蒙古草原上，乾旱噉耐嘅草原竟然下噉大嘅暴雨，第一次遇上車隊爆胎、第一次見識到陷入泥坑，暴雨下領隊們和司機們淋著雨修理車子...八卦嘅我，當然亦淋著雨，影像攝錄呢啲我遇到嘅第一次。然後，為咗追上馬群拍照，我一下車，新鞋子就完全陷入泥濘中，我被取笑為影像不顧一切向前衝，哈哈，最後，我放棄拯救我嘅鞋子，任由它與泥濘玩遊戲了，喺大草原本應噉樣先對吧？

第一次冇做好準備便去爬山了，新鞋子好滑，同行記者走的好快，我嘅心便穩咗落嚟。高高嘅山上有著敖包，相當於澳門嘅土地廟，我仲參加咗儀式，據講係拿著酒或奶，繞著敖包淋上酒或奶三圈，然後仲可以將收到祝福哈達，即係絲巾綁喺柱子祈福許願。

第一次見到真嘅蒙古包，喺品嘗第一次嘅烤羊中，天空放晴了，仲有，廣闊嘅草原喺雨後放晴嘅日落，晚上，到咗山頂，睇到咗夕陽與月光同在嘅景色，漂亮得能洗滌我嘅心靈了。深夜，我哋好想睇到一望無際嘅星空，雖然多雲，但都睇到咗星星，當然，相機係影唔落嚟嘅，倒是領隊顧磊非常認真嘅陪伴我哋研究點樣拍攝夜空嘅星星。自然界嘅美麗不能全部用照片呈現出嚟，但係亦希望記錄落嚟分享予未能到此嘅人。

工作方面，當然亦要努力，我一發現牧羊人，便立馬衝上去撲咪（採訪的意思），草原上見牛羊比較容易，見人則??因為好擔心再亦遇不上，所以連行家們都未通知得上便上前撲咪了，希望佢哋唔介意吧？？

7月8日額仁高畢蘇牧-呼倫貝爾大草原

雙彩虹，人生中第一次遇見嘅雙彩虹，真心被打動了，再多嘅困難和勞累，心裡積累嘅壓力都一掃而空，呢個世界多麼的美好。仲到過九曲十八彎，有水嘅話真嘅好壯觀，無水嘅話好孤寂嘅感覺。

仲有幫忙準備營火座談會

我嘅採訪工作，雖然內蒙古小女孩在採訪時非常害羞，但只要佢願意講，我亦願意聽，感謝佢最後跟我分享咗佢嘅故事，祈願佢能再次有勇氣騎馬。

當我拍攝套馬表演時，被奔馳中嘅馬衝到距離自己面前不及一隻手掌時，我心臟仲係會停頓一下，身體不能動，亦叫唔出聲，只記得我與馬嘅眼睛對望了，牠在就快撞上我時突然轉身，我才知道我喺用自己嘅生命拍攝，噉樣，套馬嘅人不怕被撞嗎？？雖然後嚟知道馬怕人，會避開人，但係，被撞上嘅機會亦係有吧？？要積累幾耐嘅勇氣先將套馬成為習慣？？

我中意寫有溫度嘅新聞，可每日喺澳門電臺都係政治經濟法律突發嘅稿件，仲要做審稿、行政、開會之類嘅事情，我亦忘記咗自己幾耐冇寫有溫度嘅新聞了？呢個旅程讓我能夠寫回帶溫度嘅新聞，我好開心，所以亦用心感受咗受訪者心情，希望向澳門嘅大家傳達一下所唔知道嘅內蒙古嘅故事。

我亦喺大家嘅陪伴下，嘗試咗第一次嘅騎馬，其實只是坐在馬背上，看見領隊們策馬奔馳，我亦想騎馬跑一下呢～～

Ps：每遇上一個隊員，佢哋嘅第一句總是問我今天開心唔開心，我當然開心麻～只係我仲冇習慣佢哋嘅熱情奔放，哈哈，我嘅反應可能嚇著咗領隊們了。

7月9日額仁高畢蘇木-寶格達山林場-海拉爾

又遇上暴雨兼夾帶有行雷閃電，雨水完全遮擋咗前方，雨撥最快速度亦無效，隊友仲發生咗小事故，嚇壞我了，好彩大家都冇事，感恩。

內蒙古亦有森林嘅呢??讓我想起台灣嘅忘憂森林，內蒙古嘅卻大好幾十倍呢，而且長滿咗花～～真讓人感到歡悅，我就係喜歡花草樹木～～

森林山路好難行，隊友開20公里每小時嘅時速仲不停噉剎車，原嚟預計係2小時便落山嘅車程，變成4小時都未落到山。我車嘅領隊卻一枝箭衝落山，為嘅就係買午飯畀大家，我能有幸參與領隊和一架奧迪車喺山上崎嶇不平嘅路「鍊車」，真嘅感受良多，呢種刺激正如大家所講，絕對再無機會感受，哈哈。

呢度嘅森林，有被燒過，雖然我唔知道原因，但看著亦感到心痛，即使森林好大，只燒掉一點點亦係好好可惜嘅，人類要好好保護大自然喔～～

其實，我嘅喉嚨真嘅很痛，因為經常冇按時食飯，亦就同時忘咗食藥，總喺晚上睇照片時，才發現自己嘅喉嚨又腫大了。喺車上錄稿亦出現未曾遇過嘅問題，到底電流聲係從邊度出嚟嘅，過往出差喺車上錄音都未曾有過，不斷重錄令我好沮喪，仲被領隊取笑我唔專業??

7月10日呼倫貝爾大草原-新巴爾虎左旗

又係10多個小時車程，我嘅經歷比起其他人嚟得豐富多了，因為走咗最難行嘅路，嘗過咗痛苦嘅泥地越野拉力賽，仲有技術度超高嘅貼壁用右邊側行，好好玩超興奮....我不懂車，但呢次旅程，一路上都冇睡，是因為唔想錯過任何風景、以及佢哋一直喺分享嘅故事、知識，大為佢哋一定亦累了，仲一直喺度講，所以佢哋分享嘅，即使我有時聽唔明白，我都希望接收到，以示支持。

今日，我領隊嘅車被救援4次，陷進泥坑動彈不得。但係，真嘅好好玩，好開心..........有點捨不得呢趟出差結束，因為經歷嘅太多第一次，唔知道聽日仲會經歷咩樣嘅第一次。我哋嘅白色車子已變成泥土色了。

大草原嘅美，真嘅不能用相片去表達，只能留喺腦海中。蒙古族面對客人好熱情，尤其奶奶心情好，為長髮嘅女孩子編織五股嘅辮子，仲有，喺陽光普照，白雲朵朵下，大家席地而坐，一起高歌、食羊肉、包子……..就好似過年一樣。

7月11日呼倫貝爾-根河-大興安嶺區阿龍山

朝早8:30至到晚上5:00到達......已到咗根河...聽日繼續一路向北到漠河北極村......

沿途風光明媚，真心對噉樣漂亮嘅廣闊嘅油菜花田感到欣喜，祖國真係太大太美了，受到感動了。

眼睛受傷咗，有時痛有時唔痛，我唔想閉著眼睛，因為我需要用眼睛記下呢度嘅風光、人嘅表情，大家嘅笑容總係穿梭喺風景之中，當然我亦發現佢哋嘅煩惱，不過，我知道，只要我對佢哋笑著，佢哋一定亦能笑起嚟嘅。中央電臺大為佢哋操心著成個隊伍，領隊趙洋仲要畀我上藥，照顧我！真係不好意思啊！

又有人跟我聊起咗汶川大地震嘅話題，呢次旅程已係第3次談及這話題，點解總能傾起呢個話題？？

呢個內蒙古行程好辛苦嗎？一點都唔辛苦丫，只係坐著車前進。汶川大地震時坐車更久，仲得自己揾路前進，更痛苦嘅係，嗰時空洞嘅目光深深噉打進我嘅心裡，我卻無能為力，佢哋不哭不鬧，只看著親人或朋友被埋喺地下嘅地方，我只能默默採訪，然後心痛，忽然嘅聊天，我就想起咗佢哋仲係度思念嗎？？祈願自然界仁慈一點。

Ps：同行嘅香港女大學生陳紫情真嘅好用心，每日記錄著事情，亦唔喊累，蹦蹦跳跳噉，佢影嘅、錄嘅都好詳細，有陣時都懷疑佢手機點解噉多電量？？佢影底嘅記錄有陣時都成為我嘅靈感了。真感恩總遇上用心又窩心嘅人。

7月12日大興安嶺區阿龍山-北極村

到咗內蒙古嘅根河，然後上山前往馴鹿人深居之地，跟最後嘅狩獵馴鹿民族，喺車上聽介紹提及，佢哋因為一個人喺大興安嶺深處一年又一年，寂寞酗酒，進而傷咗對方，真嘅好驚訝，真有噉誇張嗎？

答案係有嘅，佢哋身上有傷口，到底有幾寂寞才醉酒傷身邊人？？

跟柳霞大姐做訪問時，佢已身體變弱了，行動不便噉，提起鹿佢會笑，提起兒子佢每句都用嘆氣作開始，能感受到佢有幾愛鹿和對兒子幾無奈。若然係我，係無法過40年噉耐嘅深山生活吧？？寂寞係真嘅，佢努力堅持嘅馴鹿世界，也許好快亦會消失殆盡??我唯一能做嘅，就係記錄落嚟，讓佢嘅聲音曾經出現喺澳門電台之中。

我第一次見到馴鹿，仲有幼鹿主動走過嚟向我討摸，真嘅好開心，是真嘅向我討摸嗎？

呢日寫稿子時，心裡其實滿沉重嘅，因為我要寫嘅係，一個文化可能會消失，至今仍堅持仍努力著嘅人，終究要被遺忘了嗎？慶幸仲有我哋曾參與採訪，慶幸我仲能為佢哋寫低稿子。

7月13日漠河

係我出差最後一天行程...喺黑龍江漠河北極村渡過..聽日便要搭飛機回澳了...

早上忙完一輪打稿後，下午終於有自由時間了，出差工作必須有一班能幹、又隨時能癲起身嘅同伴在，才會過得噉開心。自由時間嘅佢哋都玩得夠瘋了，我係「受害人」，倒亦笑得開心，有人問點解我被開玩笑都唔生氣？我就係氣唔起嚟啊，大家都好搞笑麻，而且顯示我哋亦成為親密嘅夥伴了，不用計較噉多。

辛苦你哋了

跟此行文化顧問顧磊採訪，閒聊一下時，感受到佢對民族文化嘅堅持，亦感受到佢盡咗最努力，卻得不到回應時，明明佢可以不用噉在意，但佢做到咗。我明白嘅感受，而我亦好弱小，唯一擁有嘅就淨係採訪和報導。我心頭一緊，有點想哭嘅感覺，期望我哋一齊重視努力守護著文化、歷史嘅人。

11天行程，話結束便要結束了，雖然係好長時間嘅出差，但係唯一一次不捨得完結嘅出差。

世界之大、人性善良，全都喺呢次旅程感受到了，至少真嘅令我感受好深，點解佢哋都噉關懷別人、對別人有耐心？？或許係因為我有幸遇到咗噉樣嘅佢哋吧？？

中央人民廣播電臺嘅同仁們好專業，規劃路線，與人溝通，都顯示佢哋嘅判斷和耐力，而且相當懂得照顧人嘅需要和心理，知道佢哋好累，但仲喺意大家感受，經常用開玩笑形式和大家聊，緩和氣氛。有幸認識到用心嘅領隊們，至少我冇遇過噉樣嘅同行人，多謝你哋。

最後用中央人民廣播電臺對港澳節目中心韓長江老師嘅一首詩結束吧

期待再次和你哋出發

七月邀港澳媒體同仁自駕採訪

吟詩一首共襄盛舉

韓長江

盛夏飛車入草原，

也似長征走泥丸，

茫茫綠色看不盡，

一步一景一重天。

忽聞遠處蒙古調，

又見氈房起炊煙，

牧民兄弟急相迎，

不醉不歸樂無邊。

-END-

赞赏

长按







































白癜风早期可以治愈吗
谁看好了白癜风


欢迎转载,转载请注明原文网址：http://www.wyszentea.com/lscp/1218738.html